“BİZİM NAMƏLUM KİNO” FESTİVALI AÇILMIŞDIR
“Araz” kinoteatrında “Bizim naməlum kino” film festivalının açılışı olmuşdur.
Azərbaycan Mədəniyyət Nazirliyi və Kinematoqrafçılar İttifaqı tərəfindən təşkil edilmiş festivalın proqramına müxtəlif səbəblər üzündən indiyədək geniş auditoriya qarşısına çıxarılmamış 16 naməlum film daxildir. Onların bir neçəsi tam, bir neçəsi qısametrajlıdır.
Açılış mərasimində çıxış edən Mədəniyyət Nazirliyinin Kino işləri üzrə baş idarəsinin rəisi Cəmil Fərəcov, Kinematoqrafçılar İttifaqının birinci katibi vəzifəsini icra edən, xalq artisti, professor Şəfiqə Məmmədova, rejissor Cəmil Quliyev Azərbaycan kinosunun tarixindən danışdılar, festivalın təşkilatçılarına təşəkkürlərini bildirdilər.
Sonra 1898-ci ildə kinooperator Anton Mişonun çəkdiyi “Balaxanıda neft fontanı” kinosüjeti və rejissor Cəmil Quliyevin çəkdiyi “Olduqca darıxdırıcı əhvalat” filmi nümayiş etdirildi. Bu filmdə respublikanın əməkdar artistləri Hamlet Xanızadə, Rafiq Əliyev, Şükufə Yusifova və başqaları da çəkilmişlər.
Avqustun 2-də - Azərbaycanın kinosu günündə başa çatacaq festivalın qalibləri üçün prizlər müəyyənləşdirilmişdir.
Bölmənin digər xəbərləri
