BMT MƏRKƏZİ ASİYADA NÜVƏ SİLAHINDAN AZAD ZONA YARADILMASINI BƏYƏNMİŞDİR
AZƏRTAC-ın xüsusi müxbiri xəbər verir ki, Birləşmiş Millətlər Təşkilatı Baş Məclisinin Birinci Komitəsi Mərkəzi Asiyada nüvə silahından azad zona yaradılması ideyasının bəyənilməsi ilə bağlı qətnamə qəbul etmişdir.
Bu haqda Astanada keçirdiyi mətbuat konfransında Qazaxıstan Xarici İşlər Nazirliyinin əməkdaşı Erjan Aşikbayev məlumat vermişdir. Onun sözlərinə görə, Komitədə qətnamənin lehinə 128 dövlət səs vermişdir.
Xatırladaq ki, bu il sentyabrın 8-də Orta Asiya ölkələrinin və Qazaxıstanın nümayəndələri Semipalatinsk şəhərində Mərkəzi Asiyada nüvə silahından azad zona yaradılması haqqında müqavilə imzalamışlar.
Bölmənin digər xəbərləri
