BMT-NİN QAÇQINLAR ÜZRƏ ALİ KOMİSSARLIĞININ NÜMAYƏNDƏSİ İLƏ OMBUDSMAN APARATINDA GÖRÜŞ
Ombudsman Ermənistanın təcavüzü nəticəsində bir milyon azərbaycanlının qaçqın və məcburi köçkünə çevrildiyini diqqətə çatdıraraq, ölkəmizin Prezidentinin qayğısı sayəsində vaxtilə çadırlarda, vaqonlarda yaşayan insanların respublikanın daxili imkanları, Dövlət Neft Fondunun ayırdığı vəsait hesabına tikilmiş müasir tipli qəsəbələrə köçürüldüyünü, iş yerləri açıldığını, infrastrukturun bərpa edildiyini, çadır şəhərciklərinin demək olar ki, ləğv olunduğunu söyləmişdir. Müvəkkil BMT QAK-ın da ölkəmizdə qaçqın və məcburi köçkünlərin yaşayış şəraitinin yaxşılaşdırılması, problemlərinin həlli sahəsində səmərəli fəaliyyət göstərdiyini vurğulamışdır.
V.Tol son illər Azərbaycanda qaçqın və məcburi köçkünlərin vəziyyətinin yaxşılaşdırılması, bu kateqoriyadan olan əhalinin hüquqi müdafiəsinin möhkəmləndirilməsi, problemlərinin həlli istiqamətində mühüm işlər görüldüyünü söyləmişdir. O, BMT QAK-ın Azərbaycandakı fəaliyyətindən danışaraq, təşkilatın qaçqınların problemlərinə və miqrantlara kömək məqsədi ilə həyata keçirdiyi layihələr barədə məlumat vermişdir.
Görüşdə E.Süleymanova, BMT QAK-la əməkdaşlığın genişləndirilməsi barədə təkliflər irəli sürmüşdür.
Bölmənin digər xəbərləri
