BMT TƏHLÜKƏSİZLİK ŞURASI BEYT HANUN HADİSƏSİNƏ ÖZ MÜNASİBƏTİNİ BİLDİRƏCƏK
Xatırladaq ki, noyabrın 8-də İsrail ordusunun artilleriya atəşi nəticəsində orada 19 fələstinli həlak olmuş, 30-dan çox adam yaralanmışdır, onların əksəriyyəti qadın və uşaqlardır.
BMT Təhlükəsizlik Şurasının 15 üzvü arasında yeganə ərəb ölkəsi olan Qətər İsrailin Beyt Hanunda törətdiyi qırğını pisləyən qətnamənin layihəsini təşkilatın müzakirəsinə təqdim etmişdir.
Sənəd fələstinlilərlə israillilər arasında atəşi dərhal dayandırmağa və BMT-nin sülhməramlı kontingentini münaqişə zonasında yerləşdirməyə çağırır. Bundan başqa, Beyt Hanunun atəşə tutulması hallarını araşdırmaq üçün beynəlxalq komissiya yaratmaq da təklif olunur.
Noyabrın 8-də BMT-nin baş katibi Kofi Annan Beyt Hanun hadisəsi ilə əlaqədar narahat olduğunu bildirmiş və İsrail hökumətindən Qəzzə bölməsində hərbi əməliyyatı dərhal dayandırmağı tələb etmiş, fələstinliləri isə İsrailə hücumdan imtina etməyə çağırmışdır.
Bölmənin digər xəbərləri
