Bolqarıstan – Azərbaycan oyununun biletləri oktyabrın 7-dən satışa çıxarılacaq
Bakı, 6 oktyabr, AZƏRTAC
Futbol üzrə “Avro 2016”-nın seçmə mərhələsi çərçivəsində Bolqarıstan və Azərbaycan yığmaları arasında keçiriləcək matça biletlər oktyabrın 7-dən etibarən satışa çıxarılacaq.
AZƏRTAC xəbər verir ki, Sofiyadakı “Vasil Levski” stadionunda keçiriləcək qarşılaşmanın biletləri 7-20 levə (4,2-11,98 manat) satılacaq.
Qeyd edək ki, Bolqarıstan - Azərbaycan matçı oktyabrın 13-də keçiriləcək və saat 23:45-də start götürəcək.
Bölmənin digər xəbərləri
