Böyük Britaniyada iki qatarın toqquşması nəticəsində 17 nəfər xəsarət alıb
London, 1 noyabr, AZƏRTAC
Böyük Britaniyanın cənub-qərbində yerləşən Viltşayr bölgəsində iki qatarın toqquşması nəticəsində 17 nəfər xəsarət alıb.
AZƏRTAC xəbər verir ki, qəzaya qatarlardan birinin relsdən çıxaraq digər qatara çırpılması səbəb olub.
Hadisə yerinə çoxlu sayda yanğınsöndürən, təcili yardım və polis qüvvələri cəlb olunub. Dorset və Viltşayr Yanğın və Xilasetmə Xidmətindən verilən açıqlamada qəzanın miqyasının böyük olduğu və hadisə yerinə 50 yanğınsöndürənin göndərildiyi bildirilib.
Qəzadan sonra bölgədə Fişerton tunelinə yaxın ərazidə digər qatarların hərəkəti dayandırılıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
