BÖYÜK BRİTANİYADA KİV-LƏRƏ STRATEJİ OBYEKTLƏRİN YERİNİ GÖSTƏRMƏK QADAĞAN EDİLİR

25.09.2004 [15:51]
Çap et
A⁺ A^-

AZƏRTAC xəbər verir ki, Londonda çıxan “Qardian” qəzetinin yazdığına görə, yaxın vaxtlarda Böyük Britaniyanın hakimiyyət orqanları ölkənin kütləvi informasiya vasitələrindən terrorçuların hədəfi ola biləcək strateji əhəmiyyətli obyektlərin yerlərini göstərməməyi tələb edəcəklər. Bu tələb Britaniya hökuməti yanında Müdafiə, mətbuat və teleradio verilişləri məşvərət komitəsinin KİV üçün hazırladığı direktivlər toplusunda dərc olunmuşdur.

Olduğu yer barədə KİV-lərin məlumat yayması qadağan edilən siyahıya hələlik ancaq nüvə silahları və kəşfiyyatla bağlı obyektlər daxildir. Lakin artıq yaxın vaxtlarda siyahıya “milli infrastrukturun ən mühüm qurğuları” da daxil ediləcəkdir. Onların arasında telekommunikasiya, energetika, nəqliyyat və su təchizatı obyektləri də var.

Bundan başqa, hökumət həmin obyektlərin zəif cəhətləri barədə məlumat yayılması üzərində də qadağa qoymaq niyyətindədir. Hökumətin fikrincə, terrorçulara bu cür xəbərlər də kömək edə bilər. Lakin bunun əleyhinə çıxanları isə deyirlər ki, belə xəbərlər hökumətin diqqətini həmin obyektlərin təhlükəsizlik sistemindəki qüsurlara yönəldir və onu müvafiq tədbirlər görməyə vadar edir.

BÖYÜK BRİTANİYADA KİV-LƏRƏ STRATEJİ OBYEKTLƏRİN YERİNİ GÖSTƏRMƏK QADAĞAN EDİLİR

MÜƏLLİFLƏ ƏLAQƏ

Bölmənin digər xəbərləri