BÖYÜK QAFQAZ DAĞLARININ ƏTƏKLƏRİNDƏ ELEKTRİK STANSİYASI İNŞA EDİLƏCƏKDİR
AZƏRTAC xəbər verir ki, Böyük Qafqaz dağlarının ətəklərində elektrik stansiyası tikiləcəkdir. Yeni stansiya Qusar rayonunda “Şahdağ” dağ-xizək kompleksini elektrik enerjisi ilə təmin edəcək, şimal bölgəsinin enerji təminatını yaxşılaşdıracaqdır.
“Azərenerji” ASC-nin mətbuat xidmətindən bildirmişlər ki, 12 aqreqatdan ibarət 104 meqavat gücündə elektrik stansiyası təbii qazla işləyəcəkdir.
Layihə çərçivəsində dağ-xizək kompleksinin ərazisində MDB məkanında ilk dəfə 110/35/10 kilovoltluq yeraltı yarımstansiyanın tikintisi və uzunluğu 30 kilometrdən çox olan 110 kilovoltluq kabelin çəkilməsi nəzərdə tutulmuşdur.
Bundan əlavə, kompleksin enerji təminatını yaxşılaşdırmaq üçün “Quba” və “Xaçmaz” stansiyaları arasında 40 kilometr uzunluğunda 110 kilovoltluq ikidövrəli elektrik xətti çəkiləcəkdir.
Bölmənin digər xəbərləri
