“Böyük Qafqaz” veloyürüşünün iştirakçıları İsmayıllı şəhərində ümummilli lider Heydər Əliyevin abidəsini ziyarət etmişlər
Bakı, 11 may (AZƏRTAC). Gənclər və İdman Nazirliyinin təşkilatçılığı, Azərbaycan Dövlət Neft Şirkətinin sponsorluğu ilə keçirilən və Bakı-Zaqatala marşrutu üzrə reallaşdırılan “Böyük Qafqaz” velosiped yürüşünün iştirakçıları mayın 11-də İsmayıllı şəhərinə çatmışlar.
AZƏRTAC xəbər verir ki, qonaqları şəhərin giriş qapısında rayon icra hakimiyyəti başçısının birinci müavini, fövqəladə hallar komissiyasının sədri Rafael Əhmədov, gənclər və idman idarəsinin rəisi Elçin Nəcəfli, Olimpiya İdman Kompleksinin direktoru Tofiq Hümbətov və digər rəsmi şəxslər qarşılamışlar. Qonaqlar şəhərin mərkəzində ulu öndərin abidəsini ziyarət edib önünə gül dəstələri qoyduqdan sonra Heydər Əliyev Mərkəzində olmuşlar.
Azərbaycan, Litva, Gürcüstan və İrandan 24 velosipedçinin iştirak etdiyi yürüş mayın 16-da Zaqatalada başa çatacaqdır.
######
 |
 |
Bölmənin digər xəbərləri
