BÖYÜK SABİRİN YARADICILIĞINA HƏSR OLUNMUŞ ƏSƏRİN YENİ NƏŞRİ
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu Mirzə Ələkbər Sabirin anadan olmasının 140 illiyi münasibətilə Aleksandra Lukyanovanın “Sabir yaradıcılıgının əsas nöqtələri” kitabını təkrar çapdan buraxmışdır.
Bakı Dövlət Universitetinin rus dili kafedrasının müdiri işləmiş A.Lukyanovanın 1923-cü ildə Azərbaycan dilində yazdığı bu kitab vaxtilə respublika Maarif Komissarlığı tərəfindən əski əlifbada nəşr olunmuş və uzun müddət Sabir poeziyasına həsr edilmiş ilk tədqiqat əsəri olaraq qalmışdır. Sonralar böyük şairimiz haqqında çoxsaylı əsərlər yazılsa da, bu kitab öz qiymətini itirməmiş, mütəxəssislər tərəfindən həmişə yüksək qiymətləndirilmişdir.
İnstitutun əməkdaşı, tarix elmləri namizədi Tahirə Həsənzadənin nəşrə hazırladığı kitabın redaktoru filologiya elmləri doktoru Möhsün Nağıyevdir.
Bölmənin digər xəbərləri
