BÖYÜK ŞAİRİN XATİRƏSİ YAD EDİLDİ
XX əsr Azərbaycan ədəbiyyatının görkəmli nümayəndəsi, xalq şairi Səməd Vurğunun əziz xatirəsi ürəklərdə yaşayır. Mayın 27-də Fəxri xiyabanda şairin məzarı önündə onun xatirəsini anma mərasimi keçirilmişdir.
Mərasimdə şairin doğmaları, yaxın qohumları, o cümlədən əmisi general İbrahim ağa Vəkilovun hazırda Amerika Birləşmiş Ştatlarında yaşayan nəvəsi Cavid Əlibəyov iştirak edirdilər.
Mərasimi şairin qızı, əməkdar mədəniyyət işçisi Aybəniz Vəkilova açdı. Şair Zaməddin Ziyadoğlu, professor Leyli Vəkilova, Qazax Xeyriyyə Cəmiyyətinin sədri Vidadi Bayramov və başqaları çıxış edərək, Səməd Vurğunun yaradıcılığından, ədəbiyyatımızın inkişafında əvəzsiz xidmətlərdən, danışdılar, şəxsiyyətinə dərin hörmət və ehtiramlarını ifadə etdilər.
Bakıdakı 199 nömrəli məktəbin şagirdləri şairin şerlərindən nümunələr söylədilər.
Tədbirin sonunda A.Vəkilova atasının xatirəsini əziz tutduqlarına görə mərasim iştirakçılarına öz təşəkkürünü bildirdi.
Bölmənin digər xəbərləri
