Braziliya sahillərində Atlantik okeanda zəlzələ baş vermişdir
Bakı, 16 may (AZƏRTAC). AZƏRTAC xəbər verir ki, Cənubi Atlantikada Braziliya sahillərində 6 bal gücündə zəlzələ baş vermişdir.
ABŞ Geoloji Tədqiqatlar Mərkəzinin (USGS) məlumatına görə, yeraltı təkanların episentri Braziliyaya məxsus Fernandu-di- Noronya arxipelaqından 878 kilometr və ölkənin şimal-şərq sahillərində yerləşən Natal şəhərindən 1,277 min kilometr məsafədədir.
Mütəxəssislər bildirmişlər ki, zəlzələ böyük dərinlikdə (9 km) baş verdiyinə və həmin sahədə suyun qalınlığı 4 kilometrə çatdığına görə sunami təhlükəsi yoxdur.
Həlak olanlar və dağıntılar barədə hələlik məlumat verilmir.
Bölmənin digər xəbərləri
