Maldiv rəsmisi: İqlim dayanıqlılığı sülhə qoyulan investisiyadır
Bakı, 9 sentyabr, AZƏRTAC
Bizim üçün iqlim dayanıqlılığı sadəcə adaptasiya xərcləri demək deyil. Bu, sabitliyə və davamlılığın təmin edilməsinə qoyulan investisiyadır. İqlim dayanıqlılığı sülhə qoyulan investisiyadır.
AZƏRTAC xəbər verir ki, bunu Maldivin İqlim Dəyişikliyi, Ətraf Mühit və Energetika Nazirliyinin baş direktoru Amjad Abdulla “Bakı İqlim Fəaliyyəti 2026” çərçivəsində keçirilən "Sülh, humanitar yardım və bərpa üçün dövlət və özəl sektorun iqlim maliyyəsinin səfərbər edilməsi" adlı dəyirmi masada çıxış edərkən deyib.
"Bizə hökumətlərin, iqlim fondlarının, çoxtərəfli inkişaf banklarının, humanitar təşkilatların, texniki qurumların və özəl sektorun sıx əməkdaşlıq şəraitində fəaliyyət göstərməsi lazımdır. Ən vacibi isə odur ki, biz paralel maliyyələşdirmə arxitekturası yaratmamalıyıq. Mövcud sistemləri tamamlamalı və onların daha səmərəli, məqsədəuyğun şəkildə fəaliyyət göstərməsinə nail olmalıyıq. COP30-dan COP31-ə doğru irəlilədikcə, bu öhdəlikləri praktik icraya çevirmək üçün qarşımızda mühüm imkan yaranır. İqlim və sülh arasındakı əlaqə adaptasiya maliyyəsi, fəlakət risklərinin azaldılması, inkişaf maliyyəsi, özəl sektorun səfərbər edilməsi və dayanıqlılıq istiqamətlərində daha aydın şəkildə əks olunmalıdır", - deyə baş direktor qeyd edib.
Bölmənin digər xəbərləri
