BRİTANİYA ƏSGƏRLƏRİ İRAQDA TƏHLÜKƏLİ XƏSTƏLİYƏ YOLUXURLAR
Həkimlər aşkar etmişlər ki, Acinetobacter baumannii ştammları isti iqlim şəraitində orqanizmdə uzun müddət qalır. Ətraf mühitdən insan orqanizminə düşən bu bakteriyalar burada yaşayır və orqanizmin müqaviməti zəiflədikdə baumannii pnevmaniya, qızdırma və sepsis kimi xəstəliklər törədə bilir.
Bu növ mikroorqanizmlərin başlıca xüsusiyyəti əksər antibiotiklərə həssas olmamasıdır. Bundan əlavə, İraqda yaralanan əsgərlərin gətirildiyi xəstəxanalarda iş pis təşkil olunduğundan digər pasiyentlər də həmin bakteriyaya yoluxmuşlar. Məsələn, Birminhem xəstəxanalarının birində A-baumannii daşıyıcısı 93 nəfəri yoluxdurmuş, onların 35-i ölmüşdür. Həkimlər ölüm hallarının İraq bakteriyası ilə bağlı olduğunu sübuta yetirə bilməsələr də, şübhə hələ də qalmaqdadır.
Bölmənin digər xəbərləri
