Britaniyada 600 mindən çox insan işsiz qalıb
London, 16 iyun, AZƏRTAC
Böyük Britaniyada mart-may ayları ərzində 600 mindən çox insan işsiz qalıb.
AZƏRTAC xəbər verir ki, koronavirusa görə tətbiq edilən məhdudiyyətlər səbəbindən iş yerlərinin itirilməsinin qarşısını almaq üçün hökumət əməkhaqqı dəstəyi sayəsində epidemiyanın təsirini azaltmağa çalışıb.
Milli Statistika İdarəsinin açıqlamasına görə, may ayında işsizliyə görə sosial yardım müraciətləri əvvəlki aya nəzərən 126 faiz artaraq 2,8 milyon olub.
İdarənin rəsmisi Conatan Atov iqtisadiyyatdakı yavaşlamanın, xüsusilə iş vaxtlarının azaldılmasının əmək bazarına təsirsiz ötüşməyəcəyini deyib.
Həftəlik iş saatları əvvəlki ilin eyni dövrü ilə müqayisədə 9 faiz azalıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
