“BRİTİSH COUNCİL” MƏKTƏBLİLƏRİMİZİN BÖYÜK BRİTANİYAYA SƏFƏRİNİ TƏŞKİL ETMİŞDİR
“British Council” təşkilatının Azərbaycandakı nümayəndəliyindən AZƏRTAC-a bildirmişlər ki, qurum Gəncə şəhərindəki 39 nömrəli məktəbin şagirdi Səyyad Mustafayevanın və Lənkəran şəhərindəki 10 nömrəli məktəbin şagirdi Röyal Ağazədənin Böyük Britaniyada keçiriləcək məktəblərarası idman oyunlarına səfərini təşkil etmişdir.
Avqustun 28-dən 31-dək Bristol və Bəs şəhərlərində Böyük Britaniya məktəbliləri arasında idmanın 9 növü üzrə keçiriləcək bu oyunlarda könüllü qismində iştirak edəcək şagirdlərimizi sumqayıtlı təlimçi Vəli Musayev müşayiət edir.
Azərbaycandan başqa daha 4 ölkədən olan könüllülər qonaqlar üçün məlumat xidməti, mətbuat nümayəndələri ilə iş, idmançılara yardım və yarışların hazırlanması kimi müxtəlif sahələrdə təşkilatçılara kömək edəcəklər.
Səfər çərçivəsində onlar treninqdə iştirak edəcək, London şəhərinin görməli yerləri ilə də tanış olacaqlar.
######
Bölmənin digər xəbərləri
