“Brügge”nin daha iki futbolçusu koronavirusa yoluxub
Bakı, 25 fevral, AZƏRTAC
Belçikanın “Brügge” klubunun daha iki futbolçusu koronavirusa yoluxub.
AZƏRTAC xəbər verir ki, qapıçı Simon Minyole və yarımmüdafiəçi Şarl de Ketelerenin testi müsbət çıxıb. Hər iki oyunçu Ukraynanın “Dinamo” (Kiyev) komandasına qarşı Avropa Liqasının cavab matçını buraxacaq. Baş məşqçi Filipp Kleman, oyunçular Stefano Densvil, Matey Mitroviç və Hans Vanaken eyni səbəbdən ilk oyunda iştirak etməyib.
Qeyd edək ki, Kiyevdəki ilk qarşılaşma 1:1 hesablı heç-heçə ilə yekunlaşıb. Fevralın 25-də keçiriləcək cavab oyunu Bakı vaxtı ilə 00:00-da başlayacaq.
Bölmənin digər xəbərləri
