BU ELLƏRİN KÖKÜ BİRDİR, SOYU BİR
Tibb Universtetində Azərbaycanın Dövlət müstəqilliyi və Türkiyə Cümhuriyyətinin respubluka elan olunması günlərinə həsr olunmuş “Bu ellərin kökü birdir, soyu bir” mövzusunda yığıncaq keçirilmişdir.
Universitetin rektoru, akademik Əhliman Əmiraslanov yığıncagı giriş sözü ilə açaraq Azərbaycan ilə Türkiyə arasında doğma münasibətlərdən, xalqlarımızın tarixi köklərindən, Prezident Heydər Əliyevin uzaqgörən siyasəti sayəsində ölkələrimizin qarşılıqlı surətdə faydalı əlaqələrinin ildən-ilə daha da möhkəmlənməsindən danışmışdır.
Respublika səhiyyə nazirinin birinci müavini Sərdar Kərimov, Türkiyənin ölkəmizdəki səfirinin müşaviri Suat Akgün, universitetdə təhsil alan türkiyəli və azərbaycranlı tələbələr çıxış edərək “Bir millət, iki dövlət olan” qardaş ölkələrimizin əməkdaşlığının daha da genişlənməsindən, müstəqilliyin insanlara verdiyi böyük imkanlardan söhbət açmışlar.
Bədii qiraət ustası, Azərbaycan Mədəniyyət və İncəsənət Universitetinin dosenti Ağalar Bayramovun ifasında şairlərimizin müstəqillik gününə həsr olunmuş şerləri səslənmişdir.
Axırda Azərbaycan incəsənət ustalarının ifasında geniş konsert proqramı olmuşdur.
Bölmənin digər xəbərləri
