Bu gün futbol üzrə Azərbaycan millisi Bişkekdə ilk məşqinə çıxacaqdır
Bakı, 18 noyabr (AZƏRTAC). Noyabrın 19-da Qırğızıstan yığması ilə yoldaşlıq görüşü keçirəcək futbol üzrə milli komandamız artıq Bişkekdədir.
AZƏRTAC xəbər verir ki, bu gün Qırğızıstan Futbol Federasiyasının binasında yerləşən konfrans zalında hər iki komandanın baş məşqçilərinin iştirakı ilə mətbuat konfransı keçiriləcəkdir.
Millimizin çalışdırıcısı Berti Foqtsla onun Asiya təmsilçisindən olan həmkarı Sergey Dvoryankov eyni vaxtda media nümayəndələrinin qarşısına çıxacaqlar. Sonra yığmamızın açıq məşqi nəzərdə tutulmuşdur.
Qeyd edək ki, Qırğızıstan - Azərbaycan matçı Dolen Omurzakov adına stadionda (keçmiş “Spartak” stadionu) keçiriləcək və Bakı vaxtı ilə saat 13:00-da başlayacaqdır.
Bölmənin digər xəbərləri
