Bu gün seçkiləri QHT-lərdən rekord sayda müşahidəçi izləyir
Bakı, 7 fevral, AZƏRTAC
Bu gün seçkiləri QHT-lərdən, vətəndaş cəmiyyətindən rekord sayda müşahidəçi izləyir.
AZƏRTAC xəbər verir ki, prosesdə 83 QHT-nin 7 minə yaxın seçki müşahidəçisi iştirak edir. Ötən prezident seçkiləri ilə müqayisədə QHT-lərdən olan ümumrespublika müşahidəçilərinin sayı təxminən 4 dəfə artıb.
Bir sıra QHT-lər koalisiyalarda birləşərək seçkiləri monitorinq edir. “Mənim səsim” Seçki Monitorinq Koalisiyası, “Sivil Toplum Monitorinq Koalisiyası”, “Seçki Müşahidə və Təhlil Qrupu Koalisiyası” bu qəbildəndir. Bu 3 koalisiyada birləşən 9 QHT ümumilikdə 1700-ə yaxın seçki müşahidəçisi ilə prosesə qatılıb. Azərbaycan Milli QHT Forumu, Beynəlxalq Avrasiya Mətbuat Fondu, Müharibə, Əmək və Silahlı Qüvvələr Veteranları Təşkilatı, Azərbaycan Tələbə Gənclər Təşkilatı, Qarabağ Müharibəsi Əlilləri, Veteranları və Şəhid Ailələri İctimai Birliyi, Azərbaycan Könüllü Təşkilatları İttifaqı və onlarla digər QHT-lər respublika üzrə seçki müşahidəçiliyi aparır.
Bölmənin digər xəbərləri
