Bu gün Türkiyə Spor Toto Superliqası başlayır
Bakı, 14 avqust, AZƏRTAC
Bu gün Türkiyə Spor Toto Superliqasında 2015/2016-cı illər mövsümü başlayır.
AZƏRTAC xəbər verir ki, Türkiyə çempionatında mövsümün ilk turunun açılış oyununda yeni transferlərlə diqqəti çəkən “Fənərbaxça” komandası öz meydanında “Əskişəhərspor” klubunu qəbul edəcək.
Son çempion “Qalatasaray” komandası isə avqustun 15-də ilk turda səfərdə “Sivasspor” kollektivi ilə üz-üzə gələcək.
Turun ən maraqlı görüşlərindən biri Trabzon şəhərində oynanılacaq. “Trabzonspor” komandası heyətinə güclü futbolçular toplayan “Bursaspor”la qarşılaşacaq.
Çempionluğa iddialı olan “Beşiktaş” komandası isə avqustun 16-da “Mersin İdmanyurdu” klubunun qonağı olacaq.
Qeyd edək ki, ötən mövsüm Türkiyə Spor Toto Superliqasında “Qalatasaray” komandası 77 xalla birinci, “Fənərbaxça” 74 xalla ikinci, “Beşiktaş” isə 69 xalla üçüncü olmuşdu.
Bölmənin digər xəbərləri
