Bu gündən “Bərabərik” layihəsinə başlanılır
Bakı, 26 avqust, AZƏRTAC
Bu gün saat 21:30-da “MTV Azərbaycan”da “Bərabərik” adlı layihəyə başlanılacaq.
Əmək və Əhalinin Sosial Müdafiəsi Nazirliyi və “MTV Azərbaycan”ın birgə təşəbbüsü olan layihə çərçivəsində istedadlı və gözəl səsə malik əlilliyi olan şəxslərlə bir sıra tanınmış müğənnilərin birgə ifalarının yer aldığı silsilə verilişlər təqdim ediləcək.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, layihənin məqsədi əlilliyi olan şəxslərin timsalında əlilliyin istedad və bacarıqlara, arzularını həyata keçirməyə əngəl olmadığını cəmiyyətə aşılamaqdan ibarətdir.
Əlillik həmin şəxslərin istedadlarına, yaşayıb-yaratmaq əzminə mane ola bilmədi, əksinə, onlar öz arzularına doğru inamla addımlayırlar. Yeni layihə də bunu özündə təcəssüm etdirir.
Bölmənin digər xəbərləri
