Bu yollarda xətlənmə işləri aparılacaq
Bakı, 2 aprel, AZƏRTAC
Avtonəqliyyat vasitələrinin təhlükəsiz hərəkətinin tənzimlənməsi məqsədilə Ələt-Astara-İran İslam Respublikası ilə dövlət sərhədi avtomobil yolunun 0-32-ci kilometrlik hissəsində, həmçinin sözügedən yolun 81-ci kilometrdən ayrılan və Biləsuvar şəhərinə gedən avtomobil yolunun 89-116 kilometr hissəsində üfüqi nişanlanma xətlərinin çəkilməsi və yenidən rənglənməsi işləri aparılacaq.
Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən AZƏRTAC-a verilən məlumata görə, işlər aprelin 5-dək davam edəcək.
Sürücülərdən həmin müddət ərzində bu yollarda diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.
Bölmənin digər xəbərləri
