“BULLA-DƏNİZ” NQÇİ UĞURLARINI ARTIRIR
Dövlət Neft Şirkətindən AZƏRTAC-a bildirmişlər ki, 38 istismar quyu fonduna malik “Bulla-dəniz” NQÇİ-nin kollektivi iyunda proqnozu 109,8 faiz yerinə yetirərək, 6 min 436 ton neft hasil etmişdir. İlin əvvəlindən isə neft hasilatı tapşırıqlarına 113,2 faiz əməl edilmiş, 39 min 298 ton neft çıxarılmışdır. Neft hasilatı ötən ilin müvafiq dövrü ilə müqayisədə artmışdır.
İyunda dövlətə 6 min 326 ton neft təhvil (109,9 faiz) verilmişdir.
Kollektiv iyunda 29 milyon 443 min kubmetr, ilin əvvəlindən isə 178 milyon 687 min kubmetr qaz hasil etmişdir. Ötən ay dövlətə 29 milyon 039 min kubmetr, ümumiyyətlə, ötən altı ay ərzində isə 170 milyon 753 min kubmetr qaz təhvil verilmişdir.
Bölmənin digər xəbərləri
