BUNLARI HEÇ ZAMAN UNUTMAQ OLMAZ
Bu günlər azərbaycanlıların Ermənistandan vəhşicəsinə deportasiyasının 14 ili tamam olur.
BMT -nin Qaçqınların İşləri üzrə Ali Komissarlığının məlumatına görə, 1988-ci il dekabrın birinci yarısında qonşu dövlətdən 8 min kvadrat kilometr ərazidəki 170 yaşayış məntəqəsində əsrlər boyu yaşamış 180 minə yaxın azərbaycanlı qovulmuşdur. O dəhşətli günlərdə 216 nəfər vəhşicəsinə qətlə yetirilmişdir ki, onların da 57-i qadın, 23-ü uşaqdır. Qaçqınların bir çoxu dağ aşırımlarını keçərkən soyuqdan donaraq həlak olmuşdur.
Azərbaycanlıların hazırda Ermənistan Respublikası adlanan ərazidən köçürülməsinə hələ 1820-ci ildən başlanmışdır.
Çar hökuməti X1X əsrin əvvəlindən Türkiyədən və İrandan köçürülən erməniləri Azərbaycan xanlıqlarında yerləşdirmək siyasəti yürüdürdü. Eyni zamanda, azərbaycanlılar Qarabağ xanlığından, habelə o dövrdə ərazisində Ermənistan vilayəti yaradılmış, hazırda isə Ermənistan Respublikası yerləşən İrəvan xanlığından da köçürülürdülər.
Ümumiyyətlə, azərbaycanlılar öz doğma yurd-yuvalarından dörd mərhələdə- 1905-ci, 1918-1920-ci, 1948-1956-cı və 1988-ci illərdə qovulmuşlar. Təsdiq olunmuş arxiv materiallarına görə, indiki Ermənistan ərazisindən 1 milyon 500 min azərbaycanlı qovulmuşdur. Özü də Ermənistanın hakimiyyət orqanları həmvətənlərimizin yaşadıqları məntəqələrin adlarını tələm-tələsik dəyişmiş, erməni adları ilə əvəz etmişlər.
Bölmənin digər xəbərləri
