Cari ildə bitki və bitkiçilik məhsulları ilə bağlı ixracatçı ölkələrə 320 notifikasiya göndərilib
Bakı, 11 may, AZƏRTAC
Qida Təhlükəsizliyi Agentliyi ölkəyə idxal olunan bitki və bitkiçilik məhsulları üzərində nəzarət tədbirlərini davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, həyata keçirilən tədbirlər çərçivəsində ölkəmizə idxal olunan bitki və bitkiçilik məhsullarında aşkarlanan uyğunsuzluqlarla əlaqədar ixracatçı ölkələrə ümumilikdə 320 bildiriş göndərilib.
İndiyədək İrana 165, Belarusa 76, Rusiyaya 33, Türkiyəyə 30, Ukraynaya 6, Pakistana 5, Gürcüstana 2, Niderlanda 1, Xorvatiyaya 1, İspaniyaya 1 bildiriş ünvanlanıb. Aşkar edilmiş uyğunsuzluqlarla bağlı qanunvericiliyin tələblərinə uyğun olaraq bəzi məhsul partiyaları məhv edilib və geri qaytarılması təmin olunub.
Qida Təhlükəsizliyi Agentliyi bitki və bitkiçilik məhsullarında zərərli orqanizmlərin kütləvi yayılmasının qarşısının alınması və əhalinin sağlamlığının qorunması istiqamətində tədbirləri davam etdirir.
Bölmənin digər xəbərləri
