“CƏNUB MİRVARİSİ-2009” III FUTBOL ÇEMPİONATI BAŞA ÇATMIŞDIR
Cəlilabad, 12 oktyabr (AZƏRTAC). “Pal-süd” MMC-nin baş sponsorluğu və Cənub Regional Futbol Federasiyasının təşkilatçılığı ilə 1996-1997-ci il təvəllüdlü yeniyetmələr arasında “Cənub mirvarisi-2009” III Futbol Çempionatının final mərhələsinin oyunları başa çatmışdır.
Cəlilabad şəhərinin mərkəzi stadionunda keçirilən final mərhələsinin son turunda çempionatın qalibi və mükafatçılar müəyyən edilmişdir.
Oktyabrın 11-də keçirilən son turda Lənkəranın “Xəzər-92” komandası 2:0 hesabı ilə Cəlilabadın “UGİM” komandasına, Masallının “Bələdiyyə” komandası 3:0 hesabı ilə Neftçalanın “UGİM” komandasına qalib gəlmişdir.
Final mərhələsinin oyunlarında 7 xal toplayan Lənkəranın “Xəzər-92” komandası birinci, 6 xal toplayan Cəlilabadın “UGİM” komandası ikinci, Masallının “Bələdiyyə” komandası 3 xalla üçüncü yerləri tutmuşlar.
Qaliblərin mükafatlandırılması mərasimi Azərbaycan Premyer Liqası oyunlarında “Xəzər-Lənkəran” komandasının doğma stadionda keçirəcəyi oyunun fasiləsi zamanı keçiriləcəkdir.
######
Bölmənin digər xəbərləri
