CEYHUN MİRZƏYEVİN 60 İLLİK YUBİLEYİ QEYD OLUNMUŞDUR

06.04.2006 [15:21]
Çap et
A⁺ A^-

AZƏRTAC xəbər verir ki, Azərbaycan Kinematoqrafçılar İttifaqının Kino evində kinorejissor, aktyor Ceyhun Mirzəyevin anadan olmasının 60 illik yubileyi ilə bağlı xatirə gecəsi keçirilmişdir.

Kinoşünas, Dövlət mükafatı laureatı Aydın Dadaşov Mədəniyyət və Turizm Nazirliyinin və Kinematoqrafçılar İttifaqının birgə təşkilatçılığı ilə keçirilən tədbiri açaraq bildirmişdir ki, mərhum aktyor hələ uşaq yaşlarından kino artisti kimi şöhrət tapmışdır.

Ceyhun Mirzəyevin dostlarının, həmkarlarının, doğmalarının iştirakı ilə keçirilən xatirə gecəsində xalq artistləri kinorejissor Rasim Ocaqov, aktyorlar Fuad Poladov, Nodar Şaşıqoğlu, C.Cabbarlı adına “Azərbaycanfilm” Kinostudiyasının direktoru Xamis Muradov və başqaları mərhum aktyor və rejissorun yaradıcılığı və şəxsiyyəti barədə fikirlərini bölüşmüş, onunla bağlı xatirələrini danışmışlar.

Gecədə iştirakçılara Dövlət Film Fondunda saxlanılan sənədlər əsasında sənətkarın həyat və yaradıcılığını əks etdirən fotostend də təqdim olunmuşdur.