Cəzaçəkmə müəssisəsində istintaq təcridxanasına narkotik vasitə keçirilməsi cəhdinin qarşısı alınmışdır
Bakı, 18 noyabr (AZƏRTAC). Penitensiar Xidmətin və 2 saylı istintaq təcridxanasının əməkdaşları müəssisəyə qadağan olunmuş əşyaların keçirilməsi cəhdinin qarşısını almışlar.
Qurumun ictimaiyyətlə əlaqələr şöbəsindən AZƏRTAC-a bildirmişlər ki, təcridxanasında saxlanılan Azərbaycan Respublikası Cinayət Məcəlləsinin müxtəlif maddələri ilə təqsirli bilinərək həbs edilmiş Emin Əsgərova qardaşı Əsgər Əsgərov tərəfindən gətirilmiş sovqata baxış keçirilmişdir.
Baxış zamanı iki ədəd xurma meyvəsinin içərisində gizlədilmiş hər birində bir büküm, ümumi çəkisi isə 1,87 qram olan narkotik maddə marixuana və iki ədəd xurma meyvəsinin içərisində hər birində 10 ədəd mənşəyi məlum olmayan həblər aşkar edilmişdir.
Fakt üzrə araşdırma aparılır.
Bölmənin digər xəbərləri
