ÇAĞIRIŞÇI GƏNCLƏRƏ POÇT XİDMƏTLƏRİ BARƏDƏ MƏLUMAT VERİLMİŞDİR
Rabitə və İnformasiya Texnologiyaları Nazirliyinin mətbuat xidmətindən AZƏRTAC-ın müxbirinə bildirmişlər ki, bu günlərdə Xətai Poçtamtının rabitəçiləri Əzizbəyov Rayon Hərbi Komissarlığından həqiqi hərbi xidmətə çağırılmış gənclərlə görüşmüşlər.
Rabitəçilər gənclərə uğurlar arzulamış, onlara poçt göndərişlərinin tarifləri, bağlamaların, sürətli pul baratlarının çatdırılma üsulları və s. poçt xidmətləri barədə ətraflı məlumat vermişlər.
Çıxış edən hərbçilər, valideynlər və çağırışçılar belə görüşləri ənənəyə çevirməyi arzulamışlar.
