Çexiya Ukraynaya “Kub” hava hücumundan müdafiə sistemləri verəcək
Bakı, 11 may, AZƏRTAC
Çexiya yaxın vaxtlarda iki “Kub” hava hücumundan müdafiə sistemini ukraynalı hərbçilərə təhvil verəcək.
AZƏRTAC xəbər verir ki, bu barədə çərşənbə günü Çexiya radiosu Prezident Petr Pavelə istinadən məlumat yayıb.
Çexiya Ukrayna hərbçilərinin böyük təcrübəyə malik olduğu “Kub” komplekslərini Ukraynaya hədiyyə edəcək. Ölkə onlar üçün raketlər də alacaq.
Radionun məlumatına görə, Pavel hesab edir ki, Çexiya ordusu quru bölmələrinin hərəkətini dəstəkləmək üçün Kiyevə bəzi təyyarələr bağışlamağı da düşünməlidir. Söhbət yüngül hücum təyyarəsi “L-159”-dan gedir. “Biz Ukraynanı “L-159” təyyarəsi ilə təmin edə biləcəyimizi də düşünməliyik”, - Prezident deyib.
Bölmənin digər xəbərləri
