ÇİN ANTİİNHİSAR KOMİTƏSİ YARADIR
Yeni qurum ÇXR-in Kommersiya Nazirliyi nəzdində təşkil ediləcəkdir. İstər milli, istərsə də xarici kapital əsasında yaradılmış şirkətlərin fəaliyyətini yoxlamaq, habelə korporasiyaların birləşdirilməsinə və güclənməsinə nəzarət komitənin əsas vəzifələri olacaqdır.
Antiinhisar qurumları ÇXR Dövlət İslahat və İnkişaf İşləri Komitəsində və ÇXR Ticarət-Sənaye İdarəsində də yaradılacaqdır. Onlara qiymət inhisarları və bazarda üstün mövqedən sui-istifadə edilməsi üzrə araşdırmalar aparmaq səlahiyyəti veriləcəkdir.
Bütün bu təşkilatlar avqustun 1-də ÇXR-də antiinhisar qanununun qüvvəyə minməsi ərəfəsində təşkil edilir. Bu yolla yeni qanunverici aktın icra mexanizmi yaradılır. Gözlənilir ki, ilk antiinhisar tədqiqatları artıq avqustda başlanacaqdır.
Bölmənin digər xəbərləri
