Çindən Türkiyəyə gətirilmiş 61 nəfərin ikinci qan analizində də koronavirus aşkarlanmayıb
İstanbul, 7 fevral, AZƏRTAC
Çinin Uxan şəhərindən Türkiyəyə gətirilmiş, aralarında Azərbaycan vətəndaşlarının da olduğu 61 nəfərin ikinci qan analizlərində də koronavirus aşkarlanmayıb.
AZƏRTAC xəbər verir ki, bu barədə Türkiyənin Səhiyyə naziri Fahrettin Koca məlumat verib.
Bundan əlavə nazir canlı heyvan, yağ, dəri kimi heyvan məhsullarının Çindən Türkiyəyə idxalının müvəqqəti dayandırıldığını da bildirib.
Qeyd edək ki, virusun ölkəyə daxil olmasının qarşısının alınması məqsədilə Türkiyəyə səfər edən bütün sərnişinlər hava limanlarında termal kameralarla yoxlanılırlar.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
