ÇİNİN İQTİSADİ YÜKSƏLİŞİ EKOLOJİ BÖHRANA GƏTİRİB ÇIXARMIŞDIR
Çin hökuməti yalnız indi dərk etməyə başlayır ki, ciddi böhranla üzləşib və onu ləngimədən aradan qaldırmaq lazımdır. Pan Yue demişdir ki, indiyədək göstərilən cəhdlər heç bir nəticə verməmişdir. İndi isə vəziyyəti bir sıra qanunvericilik aktları qəbul etməklə düzəltmək gərəkdir. Bundan başqa, ölkə sakinləri iqtisadiyyatın inkişafı üçün Qərb modelindən əl çəkməli və kor-koranə Qərb istehlakçılarının ənənələrinə uymamalıdırlar. Məmurun fikrincə, inkişaf sürəti lazımi səviyyədə saxlanılmasa, Çin siyasi və sosial problemlərlə də üzləşəcəkdir.
Pan Yue demişdir ki, ekoloji cəhətdən təmiz alternativ enerji mənbələrinin inkişaf etdirilməsi sahəsində səylər göstərilməli, habelə ətraf mühitin mühafizəsinə dair yeni qanunları qulaqardına vuracaq sənaye müəssisələrinə iri məbləğdə cərimələr tətbiq olunmalıdır.
Bölmənin digər xəbərləri
