Cinayətin digər iştirakçısından odlu silah götürülmüşdür
Bakı, 16 may (AZƏRTAC). Mayın 14-də Lənkəranda bıçaqlanma hadisəsi qeydə alınmışdır. Vətəndaşlar Asif Nurullayevlə Bayraməli Şabanovun bir-birinə bıçaqla xəsarət yetirmişlər.
Daxili İşlər Nazirliyinin mətbuat xidmətindən AZƏRTAC-a bildirmişlər ki, Lənkəran Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində cinayətin digər iştirakçısı da müəyyən edilmişdir. Məlum olmuşdur ki, cinayətdə B.Şabanovun bacısı oğlu Rasim Hüseynov da iştirak etmişdir. R.Hüseynov saxlanılmış və ondan 1 “TT” markalı tapança və 36 ədəd güllə götürülmüşdür.
Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş İlqar Dadaşovdan 1 ədəd “Makarov” markalı tapança aşkarlanmışdır.
Faktlarla bağlı araşdırma aparılır.
Bölmənin digər xəbərləri
