CİNAYƏTİN DİGƏR İŞTİRAKÇISININ TUTULMASI ÜÇÜN TƏDBİRLƏR DAVAM ETDİRİLİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Abşeron rayonunun Novxanı qəsəbəsinin ərazisində 2 naməlum şəxs Bakı şəhər sakini Taleh Kazımovun idarə etdiyi “VAZ-2106” markalı avtomaşına sərnişin qismində oturub, qəsəbə ərazisindəki qəbiristanlığa gedəcəklərini bildirmişdir. Qəbiristanlığın yaxınlığında onlar T.Kazımovu hədələyərək 10 manat pul və mobil telefonunu almışlar.
Hadisəni törədənlərdən biri Novxanı qəsəbəsinin sakini Qafar Əliyev Abşeron Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində tutulmuşdur.
Faktla bağlı cinayət işi açılmışdır, cinayətin digər iştirakçısının tutulması üçün tədbirlər davam etdirilir.
Bölmənin digər xəbərləri
