Co Bayden Yunanıstanın Transadriatik qaz kəməri layihəsindəki fəaliyyətini təqdir edib
Vaşinqton, 5 aprel, AZƏRTAC
Ağ evin mətbuat xidməti ABŞ-ın vitse-prezidenti Co Baydenin Yunanıstanın Baş naziri Aleksis Tsiprasla bu ölkənin Müstəqillik Gününün Ağ Evdə qeyd edilməsi ərəfəsində telefonla danışması haqqında məlumat yayıb. Məlumatda bildirilir ki, tərəflər Avropada miqrasiya böhranı, Yunanıstanda iqtisadi islahatlar, habelə Yunanıstanın borclarının silinməsi məsələlərini müzakirə ediblər.
Vitse-prezident Co Bayden Baş nazir Aleksis Tsiprası Yunanıstan iqtisadiyyatının möhkəmlənməsi və Avropanın enerji təhlükəsizliyinin təmini baxımından mühüm addım olan Transadriatik qaz kəməri layihəsinin həyata keçirilməsindəki irəliləyiş və Bolqarıstanla enerji sahəsində əməkdaşlığa görə təbrik edib.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
