Coğrafiya İnstitutu “MapInfo Pro” proqram vasitələri ilə təmin edilib
Bakı, 18 mart, AZƏRTAC
Azərbaycan Milli Elmlər Akademiyası (AMEA) akademik Həsən Əliyev adına Coğrafiya İnstitutu Türkiyənin “Başarsoft Bilgi Teknolojileri” şirkəti tərəfindən elmi-tədqiqat işləri üçün ödənişsiz olaraq ABŞ-ın “Pitney Bowes” korporasiyasına məxsus 10 lisenziyalı “MapInfo Pro” proqram vasitələri ilə təmin edilib.
İnstitutdan AZƏRTAC-a bildirilib ki, “MapInfo Pro” proqram təminatından istifadə etməklə raster və vektor əsaslı coğrafi informasiya sistemlərinin yaradılması, coğrafi məlumatların təhlil edilməsi, 3 ölçülü modellərin qurulması, rəqəmsal xəritələrin tərtibi və əldə edilən nəticələrə əsasən qrafik məlumatların hazırlanması həyata keçirilir.
Bölmənin digər xəbərləri
