Coğrafiyaşünas-alim: Hazırda Tuqay meşələri yalnız Qarayazı Dövlət Təbiət qoruğunda qorunur
Bakı, 30 yanvar, AZƏRTAC
Unikal struktura və zəngin biomüxtəlifliyə malik Tuqay meşə ekosistemləri arid ərazilərdə iqlimyumşaldıcı, aqrolandşaftlarda məhsuldarlığı artırma, torpaqqoruma, sutənzimləmə, sahilbərkitmə və s. xüsusiyyətləri ilə çay ətrafı ərazilərin estetikliyini və bioloji müxtəlifliyini artırır. Hazırda Tuqay meşələrinə əsasən, Kür çayı ətrafında rast gəlinir. Araz, Göyçay, Girdiman, Turyançay və s. çayları boyunca bu meşələr geniş yayılmışdır. Bütün bu çay sistemləri ilə birlikdə Kür çayı təbii ekoloji dəhliz rolunu oynayır və eyni zamanda, təbiətimizin tamlığını və ya bütövlüyünü təmin edir.
Bu fikirləri AZƏRTAC-a açıqlamasında Elm və Təhsil Nazirliyinin Coğrafiya İnstitutunu Landşaftşünaslıq və təbiətdən istifadə laboratoriyasının müdiri Mirnuh İsmayılov bildirib.
“Tuqay meşələrinin eni bəzən 7-8 km-ə çatır. Hazırda Tuqay meşələri yalnız Qarayazı Dövlət Təbiət qoruğunda qorunur”, -deyə alim bildirib.
Bölmənin digər xəbərləri
