Bakı, 16 mart (AZƏRTAC). Xəbər verildiyi kimi, Cüneyt Biçər “Xəzər-Lənkəran” futbol klubunun baş məşqçisi postundan istefaya göndərilmişdir.

Klubdan AZƏRTAC-a bildirmişlər ki, türkiyəli mütəxəssis komandadan tam uzaqlaşdırılmamışdır. O, sadəcə idman direktoru vəzifəsinə qaytarılmışdır.

C.Biçər 2011-ci il dekabrın 5-də komandanın baş məşqçisi təyin olunmuşdur. O, Mirça Redniki əvəzləmişdir. Buna qədər isə mütəxəssis klubda məhz idman direktoru kimi çalışmışdır.

Cüneyt Biçərin istefaya göndərilməsi “Qarabağ” (0:1) və “İnter”lə (2:3) son oyunlarda “Xəzər-Lənkəran”ın məğlubiyyətləri ilə əlaqədar olmuşdur.