ABŞ Prezidenti: İranla sazişin təfərrüatları tezliklə açıqlanacaq
Bakı, 24 may, AZƏRTAC
Amerika Birləşmiş Ştatları (ABŞ) Prezidenti Donald Tramp bu gün Səudiyyə Ərəbistanı, Birləşmiş Ərəb Əmirlikləri, Qətər, Pakistan, Türkiyə, Misir, İordaniya və Bəhreyn liderləri ilə telefonla danışıb.
AZƏRTAC xəbər verir ki, o, bu barədə “Truth” sosial şəbəkəsində məlumat yayıb.
Bildirilib ki, zəng zamanı İranla sülhə dair Anlaşma Memorandumu ilə bağlı bütün məsələlərlər müzakirə olunub.
“Saziş əsasən razılaşdırılıb və prosesin ABŞ, İran və digər ölkələr arasında tam yekunlaşması həyata keçirilir. Ayrıca İsrailin Baş naziri Benyamin Netanyahu ilə də çox yaxşı danışıq apardım. Sazişin son aspektləri və təfərrüatları hazırda müzakirə edilir və tezliklə açıqlanacaq. Hörmüz boğazı da açılacaq”,- deyə Donald Tramp bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
