Azərbaycan Premyer Liqasında mövsümə yekun vurulub
Bakı, 24 may, AZƏRTAC
Futbol üzrə Azərbaycan Premyer Liqasında 2025/2026-cı illər mövsümünə yekun vurulub.
AZƏRTAC xəbər verir ki, XXXIII turun son oyun günündə bir qarşılaşma keçirilib. “İmişli” Quba Olimpiya İdman Kompleksinin stadionunda “Karvan-Yevlax”ı qəbul edib. Matç 1:1 hesablı heç-heçə ilə bitib.
“İmişli” turnir cədvəlində 34 xalla 9-cu pillədə qərarlaşıb. Premyer Liqanı tərk etməsi dəqiqləşən “Karvan-Yevlax” isə 15 xalla sonuncu – 12-ci sırada yer alıb.
Qeyd edək ki, turun əvvəlki oyunlarında “Qəbələ” “Şamaxı”ya 3:1, “Sabah” “Turan Tovuz”a 2:1, “Qarabağ” “Sumqayıt”a 4:3, “Neftçi” “Kəpəz”ə 1:0, “Araz-Naxçıvan” isə “Zirə”yə 3:2 hesabı ilə qalib gəlib. “Sabah” mövsümü çempion olaraq başa vurub. “Qarabağ” 2-ci, “Turan Tovuz” 3-cü, “Neftçi” 4-cü yeri tutub.
Bölmənin digər xəbərləri
