Nizami Səfərov: YAP-ın Nizamnaməsinə təklif edilən dəyişikliklər müasir dövrün reallıqlarından qaynaqlanır
Bakı, 2 noyabr, AZƏRTAC
YAP-ın Nizamnaməsinə təklif edilən dəyişikliklər Azərbaycanın müasir dövrünün reallıqlarından qaynaqlanaraq və onları dolğun formada əks etdirərək gələcəyə hesablanıb.
AZƏRTAC xəbər verir ki, bunu Yeni Azərbaycan Partiyasının (YAP) VIII Qurultayında çıxışı zamanı YAP Təftiş Komissiyası sədrinin müavini, Milli Məclisin deputatı Nizami Səfərov söyləyib.
"Nizamnamə layihəsində partiya qurultayı, idarə heyəti, təftiş komissiyası, partiya fəaliyyətinin maliyyələşdirilməsi, maliyyə hesabatı və maliyyə uçotuna aid yeni müddəalar daxil edilib ki, bunlar bir tərəfdən partiya fəaliyyətinin gücləndirilməsi, digər tərəfdən mövcud qanunvericiliyə uyğunlaşmaya xidmət edir", - deyə N.Səfərov əlavə edib.
Bölmənin digər xəbərləri
