Rubio: ABŞ Hörmüz boğazı açıldıqdan sonra nüvə məsələsini müzakirə etməyə hazır olacaq
Bakı, 24 may, AZƏRTAC
ABŞ Hörmüz boğazının açılmasını gözləyir və bundan sonra İranla nüvə proqramı ilə bağlı danışıqlara başlamağa hazır olacaq.
AZƏRTAC xəbər verir ki, bu barədə ABŞ Dövlət katibi Marko Rubio “The New York Times” qəzetinə müsahibəsində bildirib.
“İranın nüvə proqramı problemini 72 saat ərzində, sadəcə, kağız üzərində həll etmək mümkün deyil. Hörmüz boğazı dərhal açılmalıdır. Bundan sonra razılaşdırılmış parametrlər əsasında uranın zənginləşdirilməsi, yüksək səviyyədə zənginləşdirilmiş uran ehtiyatları və İranın heç vaxt nüvə silahına malik olmaması ilə bağlı çox ciddi danışıqlara başlayacağıq”, – deyə o vurğulayıb.
Nəşrin yazdığına görə, Rubio bununla ABŞ administrasiyasının Tehranın nüvə silahı hazırlamaq imkanını dərhal aradan qaldırmayan müvəqqəti razılaşmaya razılıq verə biləcəyinə işarə edib.
İran hakimiyyəti isə dəfələrlə bəyan edib ki, İslam Respublikasının nüvə proqramı tamamilə dinc xarakter daşıyır və Tehran heç vaxt nüvə silahı əldə etməyə çalışmayıb.
Bölmənin digər xəbərləri
