DAHA İKİ AZƏRBAYCAN CÜDOÇUSU DÜNYA KUBOKUNA SAHİB OLMUŞDUR
Bakı, 12 oktyabr (AZƏRTAC). Bakı İdman Sarayında kişi cüdoçular arasında Dünya kuboku uğrunda turnir başa çatmışdır.
Yarışların ikinci günü də Azərbaycan idmançıları üçün uğurlu olmuşdur. Millimizin üzvü Elxan Rəcəbli (81 kq) finalda ipponla fransalı rəqibi Antoin Jeannin üzərində qələbə qazanmışdır. Digər idmançımız Elxan Məmmədov (90 kq) isə qızıl medal uğrunda mübarizədə gürcüstanlı Qriqori Mamrikişviliyə qalib gəlmişdir.
Xatırladaq ki, Dünya kuboku uğrunda yarışda Azərbaycan, Polşa, Rusiya, Fransa, Gürcüstan, İsrail, Portuqaliya, Türkiyə, Yunanıstan, Yaponiya, Norveç, Özbəkistan, Ukrayna və Belarusdan 7 çəki dərəcəsi üzrə 100-dək idmançı iştirak etmişdir.
######
Bölmənin digər xəbərləri
