DAŞKƏNDDƏ ŞÖVKƏT ƏLƏKBƏROVA ADINA AZƏRBAYCAN ANSAMBLI YARADILIR
Əşrəfi adına Özbəkistan Dövlət Konservatoriyasının dosenti Möhsün Qəniyev Şövkət Ələkbərova adına Azərbaycan xalq çalğı alətləri ansamblı yaradır. O, yeni ansanblı formalaşdırana qədər bu istiqamətdə ilk addım da atmış, “Pəncərədən daş gəlir” və “Girdim yarın bağçasına” Azərbaycan xalq mahnılarını Özbəkistan Dövlət Teleradio Şirkətinin xalq çalğı alətləri orkestrinin müşayiəti ilə lentə yazdırmış və bu mahnılar Özbəkistan radiosu ilə efirə verilmişdir.
Möhsün Qəniyev AZƏRTAC-ın müxbiri ilə söhbətində demişdir: - Bir çox özbək ailələrində olduğu kimi, bizim ailədə də Azərbaycan mahnılarını çox sevirlər. Biz Azərbaycan mahnılarının sədaları altında böyümüşük. Atam, Özbəkistanın xalq artisti Qənican Taşmatov Özbəkistanda tanınmış bəstəkar və kamançaçalan olub. Bizə Azərbaycan musiqisini o sevdirib. Qardaşım Mansur Taşmatov da Özbəkistanın xalq artistidir. O, həm də Azərbaycan mahnıları oxuyur.
İnsallah, ansamblı formalaşdırdıqdan sonra Hüzeyir Hacıbəyovun, Niyazinin, Səid Rüstəmovun, Tofiq Quliyevin və başqa bəstəkarların mahnılarına da müraciət edəcəyəm.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
