DEPUTATLARIMIZ BEYNƏLXALQ KONFRANSDA İŞTİRAK EDƏCƏKLƏR
Parlamentin regional məsələlər daimi komissiyası sədrinin müavini Şaitdin Əliyev AZƏRTAC-ın müxbirinə bildirmişdir ki, səfərdən məqsəd “XXI əsrdə sülhün bərqərar olması” mövzusunda keçiriləcək beynəlxalq konfransda iştirak etməkdir. Konfransı Qara Dəniz İqtisadi Əməkdaşlıq Təşkilatı İsrail parlamenti ilə birgə keçirəcəkdir.
Beynəlxalq konfransda regional münaqişələr, bu cür problemlərin həllində və sülhün bərqərar olunmasında birgə əməkdaşlıq yolları müzakirə ediləcəkdir.
Azərbaycan nümayəndə heyəti Cənubi Qafqazdakı vəziyyət, xüsusən də Ermənistan-Azərbaycan, Dağlıq Qarabağ münaqişəsinin tarixi kökləri, hazırki vəziyyəti və beynəlxalq ictimaiyyətin məsələyə münasibəti, eləcə də QİƏT və digər təşkilatların problemin həllində oynaya biləcəkləri rol barədə konfrans iştirakçılarına ətraflı məlumat verəcək, öz fikirlərini bölüşəcək.
Deputatlarımız ermənilərin azərbaycanlılara qarşı törətdikləri soyqırımı faktlarını, tarix, memarlıq və mədəniyyət abidələrimizi dağıtmalarını təsdiq edən materialları da iştirakçılara təqdim edəcəklər.
Bölmənin digər xəbərləri
