DİNDARLAR REFERENDUMDA İŞTİRAK EDƏCƏKLƏR
Heydər” məscidində ətraf şəhər və rayonların din xadimlərinin iştirakı ilə toplantı keçirilmişdir. Qafqaz Müsəlmanları İdarəsinin sədri şeyxülislam Hacı Allahşükür Paşazadə toplantını açaraq, ölkəmizdə dini ayinlərin icrasına, milli-mənəvi dəyərlərin qorunub saxlanılmasına göstərilən qayğıdan danışdı, Azərbaycan Respublikası Konstitusiyasına təklif olunan düzəliş və dəyişikliklərlə bağlı öz mülahizələrini açıqladı.
Alimlər, din xadimləri tədbirdə çıxış edərək, Azərbaycan Respublikasının Prezidenti Heydər Əliyevin referendum keçirilməsi haqqında təşəbbüsünü məqbul saydıqlarını, dindarların ümumxalq səsverməsində fəal iştirak edəcəklərinə əmin olduqlarını bildirdilər.
Sonra dindarlar məsciddə namaz qıldılar, Allah-Təaladan xalqımızın problemlərinin tezliklə həll edilməsini arzuladılar.
Bölmənin digər xəbərləri
