DOLU GƏDƏBƏYİN KƏNDLƏRİNƏ ZİYAN VURMUŞDUR
İyunun 12-də günorta saatlarında yağan güclü dolu Gədəbəy rayonunun yaşayış məntəqələrinə xeyli ziyan vurmuşdur. Diametri 3-4 santimetrə bərabər olan dolu dənələri rayon mərkəzi ilə yanaşı, Düzyurd, Gərgər, Şəkərçay, Çalburun, Söyüdlü, Ərtəpə, Qaradağ və Arıxdam kəndlərində 60 faizədək evlərin dam örtüyünü sıradan çıxarmışdır.
Rayon fövqəladə hallar komissiyasının sədri Qüdrət Paşayev AZƏRTAC-ın müxbirinə demişdir ki, dam örtükləri ilə yanaşı, fərdi təsərrüfatlar da doludan zərər çəkmişdir. Əhalinin meyvə bağları və kartof sahələrinin bir hissəsi sıradan çıxmışdır. Hazırda rayon fövqəladə hallar komissiyasının üzvləri dolu düşmüş kəndlərdə əhaliyə lazımi kömək göstərirlər. Təbii fəlakətin vurduğu ziyanın həcmi müəyyənləşdirilir.
Bölmənin digər xəbərləri
