DOQQUZ AYDA 748 KİÇİK MÜƏSSİSƏ ÖZƏLLƏŞDİRİLMİŞDİR
İqtisadi İnkişaf Nazirliyinin Dövlət mülkiyyətinin idarə olunması və özəlləşdirilməsi departamenti bu ilin yanvar-sentyabr aylarında 748 kiçik müəssisənin özəlləşdirilməsi haqqında sərəncam vermişdir. Nazirliyin mətbuat xidmətindən AZƏRTAC-ın müxbirinə bildirmişlər ki, nəticədə, dövlət büdcəsinə 23,8 milyard manat köçürülmüşdür. Bu müddətdə departamentin 27 yarımçıq obyektin özəlləşdirilməsi haqqında sərəncamına əsasən, dövlət büdcəsinə təxminən 2,5 milyard manat yönəldilmişdir. Doqquz ay ərzində dövlətin tabeliyindən çıxarılmış 124 müəssisə və obyektin torpaq sahələri özəlləşdirilmişdir ki, bunun da nəticəsində dövlət büdcəsinə 5,6 milyard manat daxil olmuşdur.
Ümumən, indiyə qədər 29 minədək kiçik dövlət müəssisəsi və obyekti özəlləşdirilmiş, dövlət büdcəsinə təxminən 390 milyard manat pul köçürülmüşdür.
Bölmənin digər xəbərləri
